Les mots surlignés font l'objet d'une note
1Reçue à Chabeuil, le 09 juillet 1573.
2Monsieur de Gordes, il fault faire de necessité vertu aux affaires que vous avez par dela.
3Estant très marry de ce que je ne vous pius mieulx secourir, jescriptz à cellui qui commande
4à la compaignie de mon cousin le prince de Piedmont de lassembler et de vous aller trouver,
5layant ordonné avecques la votre pour servir en ces occasions près de vous. Je vous
6envoye les commissions pour recouvrer sur mon dommaine à constitution de rente
7la somme de trente mil livres tournois et faire faire monstre ausdites compaignies et subvenir
8aux autres despens que estes contrainct de faire. Il fauldra mesnager le tout le mieulx
9que pourrez eu esgard à la necessité où je suis. Je suis bien ayse que vous ayez donné
10la charge de gens de pied au sieur d'Ourches, estant asseuré quil sen acquitera fidellement.
11Je nay jamais penssé de mander au sieur de Mandelot aller en Daulphiné pour vous
12assister et secourir ; et quand jeusse eu volonté de ce faire, je neusse esté retenu de
13la difficulté que mescrivez, congnoissant ledit sieur de Mandelot tant affectionné à mon
14service et vous si saige que je croiray tousiours que vous accommoderez très bien
15ensemble où il sera question de me servir ; je nestime quil soit à propos que ledit
16sieur de Mandellot desempare son gouvernement en ce temps icy si divers, toutesfois,
17si le mal emperoit de votre costé, il ne fauldroit rien espargner pour y pourveoir.
18Vous men manderez votre advis et je prieray Dieu, monsieur de Gordes, vous avoir
19en sa saincte grace. Faict au château de Boullongne, le XXIXe jour de juing 1573.
20Charles
21de Neufville secretaire
22La commision don il est
23faict mention en la
24presente vous sera envoyée par autre voie nestant encore scellées,
25et au lieu de la compaignie de mon cousin le prince de
26Piedmont, ie me suis advisé de ordonner celle de
27mon cousin le duc de Nemours, auquel vous feray
28